AVRO-2024: Gürcüstan - Çexiya oyununda qalib müəyyənləşməyib

Almaniyada keçirilən futbol üzrə Avropa çempionatının F qrupunda II tura start verilib.

Oxu.Az-ın məlumatına görə, günün ilk matçında Gürcüstan və Çexiya yığmaları üz-üzə gəliblər.

Qarşılaşma 1:1 hesabı ilə başa çatıb.

Gürcüstanlı Jorj Mikautadze 45+4-cü dəqiqədə penaltidən fərqlənib. 59-cu dəqiqədə Patrik Şik tarazlığı bərpa edib.

Qeyd edək ki, Gürcüstan seçməsi ilk matçda Türkiyəyə (1:3), Çexiya isə Portuqaliyaya (1:2) uduzub.

Bu gün saat 20:00-da Türkiyə - Portuqaliya görüşü gerçəkləşəcək. AVRO-2024 iyulun 14-də başa çatacaq.

17:00

Futbol üzrə 2024-cü il Avropa çempionatının F qrupu çərçivəsində Gürcüstan və Çexiya milliləri arasında görüş başlayıb.

Oxu.Az xəbər verir ki, qarşılaşmanı almaniyalı hakimlər briqadası idarə edir.

AVRO-2024: Gürcüstan - Çexiya oyununda qalib müəyyənləşməyib

Qeyd edək ki, ilk oyunda Gürcüstan Türkiyəyə 1:3, Çexiya isə Portuqaliyaya 1:2 hesabı ilə məğlub olub.