Futbol üzrə Avropa çempionatının açılış matçı başa çatıb.
Oxu.Az xəbər verir ki, A qrupu çərçivəsində ev sahibi Almaniya ilə Şotlandiya qarşılaşıb.
Münhendəki Allianz Arenada keçirilən ilk matçda almanlar rəqiblərini darmadağın edərək, indiyədək Avropa çempionatları tarixində özlərinin ən böyükhesablı qələbələrini qazanıblar - 5:1.
Virtz (10), Musiala (19), Haverts (pen.45+1), Füllkruq (68), Emre Can (90+3) və Rudiger (avtoqol 87) fərqləniblər.
Qeyd edək ki, 45-ci dəqiqədə Şotlandiyanın müdafiəçisi Rayan Porteus yarımmüdafiəçi İlkay Gündoğana qarşı kobud oyuna görə birbaşa qırmızı vərəqə alıb.
Qrupun digər matçı Macarıstan və İsveçrə arasında oynanılacaq.
14.06.2024, 23:00
AVRO-2024-ə Almaniya - Şotlandiya görüşü ilə start verildi.
Oxu.Az bildirir ki, turnirin ev sahibi Almaniya seçməsi Şotlandiya ilə üz-üzə gəlir. Qarşılaşmanı FIFA referisi Klement Turpin idarə edir.
09:00
Bu gün AVRO-2024-ə Almaniya - Şotlandiya görüşü ilə start veriləcək.
Oxu.Az xəbər verir ki, Avropa çempionatının ilk günündə bir qarşılaşma keçiriləcək. Turnirin ev sahibi Almaniya seçməsi Şotlandiya ilə üz-üzə gələcək. Qarşılaşmanı FIFA referisi Klement Turpin idarə edəcək.
Görüş Bakı vaxtı ilə saat 23:00-da başlayacaq.
Qeyd edək ki, AVRO-2024-ə iyulun 14-də yekun vurulacaq.
14 iyun
Almaniya – Şotlandiya
Saat 23:00
Stadion "Allianz Arena" (Münhen)
