Dünyanın ən nəhəng futbol yarışlarından biri sayılan AVRO-2024-ün başlamasına sayılı günlər qalıb.
Oxu.Az xəbər verir ki, Avropa və dünya çempionatlarında öz sözünü deyən komandalar bu dəfə B qrupunda mübarizə aparacaqlar. Belə ki, sözügedən qrupda İtaliya, Xorvatiya, İspaniya və Albaniya milliləri növbəti mərhələyə adlamaq uğrunda mübarizəyə start verəcəklər.
B qrupunun ilk görüşündə İspaniya ilə Xorvatiya üz-üzə gələcək. Rəqiblər indiyədək ümumilikdə doqquz dəfə qarşılaşıblar. Bunlardan 4-də İspaniya, 2 dəfə Xorvatiya qalib gəlib. 3 dəfə isə heç-heçə qeydə alınıb. Komandaların heyətlərinə nəzər salaq.
Xorvatiya seçməsinin AVRO-2024 iştirak ərizəsinə 24 futbolçunun adı qeyd olunub:
Qapıçılar: Dominik Livakoviç ("Fənərbağça", Türkiyə), İvitsa İvuşiç ("Pafos", Yunanıstan), Nedilko Labroviç ("Riyeka", Xorvatiya);
Müdafiəçilər: Domaqoy Vida (AEK, Yunanıstan), Yosip Yuranoviç ("Yunion", Almaniya), Yosko Qvardiol ("Mançester Siti", İngiltərə), Borna Sosa ("Ayaks", Niderland), Yosip Stanişiç ("Bayer 04", Almaniya), Yosip Sutalo ("Ayaks", Niderland), Martin Erlik ("Sassuolo", İtaliya), Marin Ponqraçiç ("Leççe", İtaliya);
Yarımmüdafiəçilər: Luka Modriç ("Real", İspaniya), Mateo Kovaçiç ("Mançester Siti", İngiltərə), Marselo Brozoviç ("Ən-Nəsr", Səudiyyə Ərəbistanı), Mario Pasaliç ("Atalanta", İtaliya), Nikola Vlaşiç ("Torino", İtaliya), Lovro Mayer ("Volfsburq", Almaniya), Luka İvanuşeç ("Feyenoord", Niderland), Luka Suçiç ("Zaltsburq", Avstriya), Martin Baturina ("Dinamo", Xorvatiya);
Hücumçular: İvan Perişiç ("Hayduk", Xorvatiya), Andrey Kramariç ("Hoffenhaym", Almaniya), Ante Budimir ("Osasuna", İspaniya), Mario Pasaliç ("Atalanta", İtaliya).
Turnirin əsas favoritlərindən sayılan İspaniya millisinin heyətinin isə nisbətən güclü olduğunu vurğulamaq lazımdır. Baş məşqçi Luis dela Fuente geniş heyətə 29 futbolçunun adını daxil edib.
Qapıçılar: Unay Simon ("Atletik"), David Raya ("Arsenal"), Aleks Remiro ("Real Sosyedad");
Müdafiəçilər: Dani Karvahal ("Real"), Xesus Navas ("Sevilya"), Robin Le Normand ("Real Sosyedad"), Aymerik Laport ("Ən-Nəssr"), Naço ("Real"), Dani Vivian ("Atletik"), Pau Kubarsi ("Barselona"), Alexandro Qrimaldo ("Bayer 04"), Mark Kukurelya ("Çelsi");
Yarımmüdafiəçilər: Rodri ("Mançester Siti"), Martin Zubimendi ("Real Sosyedad"), Mikel Merino ("Real Sosyedad"), Fabian Ruis (PSJ), Aleks Baena ("Vilyarreal"), Markos Llorente ("Atletiko"), Aleys Qarsiya ("Jirona"), Fermin Lopes ("Barselona"), Pedri ("Barselona");
Hücumçular: Alvaro Morata ("Atletiko"), Niko Uilyams ("Atletik"), Lamin Yamal ("Barselona"), Dani Olmo ("Leypziq"), Xoselu ("Real"), Mikel Oyarzabal ("Real Sosyedad"), Ferran Torres ("Barselona"), Ayoze Peres ("Betis").
Qrupun digər görüşünə isə saat 23:00-da "Siqnal İduna Park" stadionunda start veriləcək. İtaliya seçməsi Albaniya millisini sınağa çəkəcək. AVRO-2020-nin qalibi olan İtaliya millisi bu dəfə də kuboka sahib çıxmaq niyyətindədir. Nəhənglərin qrupunda çıxış edəcək Albaniya millisinin isə növbəti mərhələyə yüksəlməsi böyük sürpriz ola bilər. İtaliya ilə Albaniya millisi indiyədək ümumilikdə 4 dəfə üz-üzə gəliblər. Görüşlərin hər biri italiyalıların qələbəsi ilə başa çatıb.
Milli komandaların heyətinə nəzər yetirək. İtaliya seçməsinin baş məşqçi Luçano Spaletti komandaya 26 futbolçu daxil edib.
Qapıçılar: Canluici Donnarumma (PSJ), Aleks Meret ("Napoli"), Qulelmo Vikario ("Tottenhem");
Müdafiəçilər: Alessandro Bastoni ("İnter"), Raul Bellanova, Alessandro Buonjorno ("Torino"), Rikkardo Kalafiori ("Bolonya"), Andrea Kambiasso ("Yuventus"), Matteo Darmian ("İnter"), Covanni Di Lorenzo ("Napoli"), Federiko Dimarko ("İnter"), Canluka Mançini ("Roma"), Federiko Qatti ("Yuventus");
Yarımmüdafiəçilər: Nikolo Barella ("İnter"), Brayan Kristante ("Roma"), Nikolo Faqioli ("Yuventus"), Maykl Folorunşo ("Verona"), Davide Frattesi ("İnter"), Jorjinyo ("Arsenal"), Lorenzo Pelleqrini ("Roma");
Hücumçular: Federiko Kyesa ("Yuventus"), Stefan El Şeravi ("Roma"), Cakomo Raspadori ("Napoli"), Mateo Reteqi ("Cenoa"), Canluka Skamakka ("Atalanta"), Mattia Zakkani ("Latsio").
Albaniya millisinin iştirak ərizəsində 27 futbolçu yer alıb.
Qapıçılar: Etrit Berişa ("Empoli", İtaliya), Tomas Strakoşa ("Brentford", İngiltərə), Elhan Kastrati ("Çittadella", İtaliya), Simon Simoni ("Ayntraxt", Almaniya);
Müdafiəçilər: Nasser Aliji ("Voluntari", Rumıniya), Arlind Ajeti ("ÇFR Kluj", Rumıniya), İvan Balyu ("Rayo Valyekano", İspaniya), Berat Djimsiti ("Atalanta", İtaliya), Elseid Husaj ("Latsio", İtaliya) , Mario Mitai ("Lokomotiv", Rusiya) , Maraş Kumbulla ("Sassuolo", İtaliya), Adrian İsmaili ("Empoli", İtaliya), Mihai Enea ("Famalikao", Portuqaliya);
Yarımmüdafiəçilər: Amir Abraşi ("Qrasshopper", İsveçrə), Kristian Aslani ("İnter", İtaliya), Nedim Bayrami ("Sassuolo", İtaliya), Medon Berişa ("Leççe", İtaliya), Klaus Qyasulya ("Darmştadt 98", Almaniya), Kazım Lyaçi ("Sparta", Çexiya), Ernest Muçi ("Beşiktaş", Türkiyə), Yulber Ramadani ("Leççe", İtaliya);
Hücumçular: Armando Broxa ("Fulhem", İngiltərə), Yasir Asani ("Qvanqju", Cənubi Koreya), Mirlind Daku ("Rubin", Rusiya), Arber Hoca ("Dinamo", Zaqreb, Xorvatiya), Rey Manaj ("Sivasspor", Türkiyə), Taulant Seferi ("Baniyas", BƏƏ).
B qrupunda ən zəif bənd olaraq Albaniya millisi yer aldığı üçün növbəti tura İtaliya, Xorvatiya və İspaniya seçmə komandalarının yüksələcəyini ehtimal etsək, yanılmarıq. Amma, futbol hər zaman sürprizlərlə yadda qalır. Bu, Avropa çempionatına damğa vurmaq istəyən Albaniya millisi üçün əla fürsətdir.
Qeyd edək ki, AVRO-2024 iyun ayının 14-də start götürəcək və iyul ayının 14-də final görüşü keçiriləcək.
Anar Həsənov
