AVRO-2024: Türkiyə çempionata inamlı qələbə ilə başladı

Almaniyada keçirilən futbol üzrə Avropa Çempionatının F qrupunda baş tutan Türkiyə - Gürcüstan matçında Türkiyə komandası 3:1 hesablı qələbə qazanıb.

Oxu.Az xəbər verir ki, Mərt Müldür 25-ci, Arda Gülər 65-ci dəqiqədə fərqləniblər.

Türkiyə millisində son nöqtəni Kərəm Aktürkoğlu 90+7-ci dəqiqədə qoyub.

Gürcüstan millisinin yeganə qolunu isə 32-ci dəqiqədə Georgi Mikautadze vurub.

20:01

Futbol üzrə 2024-cü il Avropa Çempionatının F qrupu çərçivəsində Türkiyə və Gürcüstan yığmaları arasında görüş başlayıb.

Oxu.Az-ın məlumatına görə, qarşılaşma Dortmund şəhərindəki "Siqnal İduna Park" stadionunda keçirilir. Oyunu Fakundo Tellonun rəhbərlik etdiyi Argentinadan olan hakimlər briqadası idarə edirlər.

Qeyd edək ki, komandalar əvvəllər beş dəfə üz-üzə gəliblər. Türkiyə yığması üç, Gürcüstan millisi isə bir dəfə qalib gəlib. Daha bir görüş heç-heçə başa çatıb.

Xatırladaq ki, F qrupunda Portuqaliya və Çexiya da yer alıb.

AVRO-2024: Türkiyə çempionata inamlı qələbə ilə başladı