Almaniyada təşkil olunan futbol üzrə Avropa çempionatında Niderland və Türkiyə yığmaları arasında keçirilən 1/4 final görüşü başa çatıb.
Oyunun 35-ci dəqiqəsində Türkiyə millisinin futbolçusu Akaydın fərqlənib. Niderland yığmasından isə 70-ci dəqiqədə De Vrey, 76-cı dəqiqədə Qakpo rəqib qapısına yol tapıblar. Beləliklə, Niderland Türkiyəni 2:1 hesabı ilə məğlub edərək yarımfinala yüksəlib.
Qeyd edək ki, Niderland yığması yarımfinalda 1/4 finalın paralel görüşündə İsveçrəni məğlub edən İngiltərə millisi ilə qarşılaşacaq.
Yarımfinalın digər oyununda isə İspaniya Fransa millisini sınağa çəkəcək.
Görüşlər 9-10 iyulda keçiriləcək.
00:34
Niderland və Türkiyə milli komandaları arasında futbol üzrə Avropa çempionatının 1/4 final oyununda hesab dəyişib.
Oxu.Az xəbər verir ki, niderlandlıların heyətində Qakpo oyunun 76-cı dəqiqəsində komandasını hesabda irəli çıxarıb - 2:1.
00:29
Niderland və Türkiyə milli komandaları arasında futbol üzrə Avropa çempionatının 1/4 final oyununda hesab bərabərləşib.
Oxu.Az xəbər verir ki, niderlandlıların heyətində De Vrey fərqlənib - 1:1.
00:03
Niderland və Türkiyə milli komandaları arasında futbol üzrə Avropa çempionatının 1/4 final oyununda ikinci hissə başlayıb.
Oxu.Az xəbər verir ki, ilk hissədə Akaydının qolu ilə Türkiyə yığması irəlidədir.
06.07.2024, 23:51
Niderland və Türkiyə milli komandaları arasında futbol üzrə Avropa çempionatının 1/4 final oyununda ilk hissə başa çatıb.
Oxu.Az xəbər verir ki, Türkiyə yığması irəlidədir. Onların heyətində Akaydın fərqlənib.
23:35
Niderland və Türkiyə milli komandaları arasında futbol üzrə Avropa çempionatının 1/4 final oyununda hesab açılıb.
Oxu.Az xəbər verir ki, türkiyəlilərin heyətində Akaydın fərqlənib - 0:1.
23:00
Niderland və Türkiyə milli komandaları arasında futbol üzrə Avropa çempionatının 1/4 final oyunu başlayıb.
Oxu.Az xəbər verir ki, oyun Berlindəki "Olimpiaştadion" arenasında keçirilir.
Matç Kleman Türpenin (Fransa) rəhbərlik etdiyi hakimlər briqadası tərəfindən idarə olunur.
