Avropa Liqası: "Mançester Yunayted" geridönüşə imkan vermədi, "Fənərbağça" səfərdən xalla qayıdır

UEFA Avropa Liqasının Liqa mərhələsinin ikinci turunda maraqlı qarşılaşmalar baş tutub.

Oxu.Az xəbər verir ki, Türkiyənin "Fənərbağça" klubu Niderlandda "Tvente"nin qonağı olub. Oyunda qalib müəyyənləşməyib. Ev sahiblərinin ilk hissədəki qoluna "sarı-lacivərdlər" ikinci hissədə cavab veriblər - 1:1.

Avropa Liqası: "Mançester Yunayted" geridönüşə imkan vermədi, "Fənərbağça" səfərdən xalla qayıdır

"Portu" doğma meydanda "Mançester Yunayted"i qəbul edib. "Qırmızı şeytanlar" oyuna ardıcıl qollarla başlasalar da, ev sahibləri üç top vuraraq geridönüş etməyi bacarıblar. Bu azmış kimi ingilislər sona yaxın azlıqda qalıblar. Lakin əlavə olunmuş dəqiqələrdə qonaqlar bir daha fərqlənərək məğlubiyyətdən yaxa qurtarıblar - 3:3.

Avropa Liqası: "Mançester Yunayted" geridönüşə imkan vermədi, "Fənərbağça" səfərdən xalla qayıdır

Hazırda "Fənərbağça" turnir cədvəlində 4 xalla 13-cü yerdədir. "Mançester Yunayted" isə 2 xal toplayaraq 21-ci pillədə qərarlaşıb. Yarış cədvəlinə 6 xalla "Latsio" başçılıq edir.

Digər qarşılaşmalarda aşağıdakı nəticələr qeydə alınıb:

"Latsio" (İtaliya) - "Nitsa" (Fransa) 4:1

"Slaviya" (Çexiya) - "Ayaks" (Niderland) 1:1

"Real Sosyedad" (İspaniya) - "Anderlext" (Belçika) 1:2

"Olimpiakos" (Yunanıstan) - "Braqa" (Portuqaliya) 3:0

"Makkabi" (Təl-Əviv, İsrail) - "Midtyullann" (Danimarka) 0:2

"Ferentsvaroş" (Macarıstan) - "Tottenhem" (İngiltərə) 1:2

"Hoffenhaym" (Almaniya) - "Dinamo" (Kiyev, Ukrayna) 2:0

"Reyncers" (Şotlandiya) - "Lion" (Fransa) 1:4

PAOK (Yunanıstan) - "Styaua" (Rumıniya) 0:1

"Viktoriya" (Çexiya) - "Ludoqorets" (Bolqarıstan) 0:0

"Yunion" (Belçika) - "Budyo Qlimt" (Norveç) 0:0

"Atletik" (İspaniya) - AZ (Niderland) 2:0

"Elfsborq" (İsveç) - "Roma" (İtaliya) 1:0

Qeyd edək ki, Liqa mərhələsində üçüncü tura oktyabrın 23-də start veriləcək.