Avstriya millisinin sabiq futbolçusu hücuma məruz qalıb

Avstriyanın "Rapid Vyana" komandasının futbolçusu Qvido Burqştaller hücuma məruz qalıb.

Oxu.Az xəbər verir ki, hadisə paytaxt Vyana şəhərində baş verib. 35 yaşlı hücumçu naməlum şəxs tərəfindən döyülüb. Baş nahiyəsindən güclü zərbə alan oyunçunun kəllə sümüyünün sındığı bildirilib.

Avstriya millisinin sabiq futbolçusunun bir neçə ay yaşıl meydanlardan uzaq qalacağı qeyd olunur. Faktla bağlı araşdırma aparılır.

Qeyd edək ki, Qvido Burqştaller Avstriya milli komandasının heyətində 26 oyun keçirib.