"Millimizin aşağı yaş qrupları qələbə qazanmaqda çox çətinlik çəkirlər".
Oxu.Az xəbər verir ki, bunu DÇ-2026-nın seçmə mərhələsi çərçivəsində keçiriləcək Azərbaycan və İslandiya yığma komandaları arasında oyundan əvvəl Azərbaycan millisinin baş məşqçisi Ayxan Abbasov deyib.
O bildirib ki, biz nəyisə inkişaf etdirəndə bir addım atırıqsa, rəqiblər beş addım atırlar:
"Biz rəqiblərlə rəqabətdə uduzuruq. Lakin təslim olmamalıyıq. Gənc futbolçularımızın inkişafı üçün klublar önəmlidir. Uşaq futbolu ayrılmalıdır. Bəzi böyük komandalar var ki, onların akademiyası zəifdir, lakin kənardan oyunçu cəlb edirlər. Bəlkə də, biz də bu təcrübədən istifadə etməliyik. Klublarımızda uşaq futbol məktəblərinin, akademiyaların olmaması da bu problemə yol açır".
Qeyd edək ki, noyabrın 13-də saat 21:00-da start götürəcək Azərbaycan - İslandiya oyunu "Palms Sports Arena"da (8-ci km stadionu) keçiriləcək.
Murad Nəsimi
