"Azərbaycan yığması üçün əcnəbi futbolçuların milliləşdirilməsinin tərəfdarı deyiləm".
Oxu.Az xəbər verir ki, bunu DÇ-2026-nın seçmə mərhələsi çərçivəsində keçiriləcək Azərbaycan və İslandiya yığma komandaları arasında oyundan əvvəl Azərbaycan millisinin baş məşqçisi Ayxan Abbasov deyib.
O buna ehtiyac olmadığını bildirib:
"İndiki məqamda buna ehtiyac görmürəm. Qarşımızdakı hədəfi bilməliyik. Məsələn, bu 2-3 futbolçu bizi dünya çempionatına çıxaracaqmı? Mən öz oyunçularımızın oynamasının tərəfdarıyam".
Qeyd edək ki, noyabrın 13-də saat 21:00-da start götürəcək Azərbaycan - İslandiya oyunu "Palms Sports Arena"da (8-ci km stadionu) keçiriləcək.
Murad Nəsimi
