Azərbaycan futbolu tarixində ilk: "Qarabağ"la "Sumqayıt" arasında top fərqi 100-ü keçdi

Azərbaycan çempionatları tarixində ilk dəfə iki komandanın şəxsi oyunlarındakı ümumi top fərqi 100-ü keçib.

Oxu.Az Peşəkar Futbol Liqasının mətbuat xidmətinə istinadən xəbər verir ki, bu statistika "Qarabağ"la "Sumqayıt"ın görüşlərində qeydə alınıb.

İndiyədək 50 dəfə qarşılaşan komandaların matçlarında texniki nəticə nəzərə alınmamaqla Ağdam klubu 124, Sumqayıtın eyniadlı təmsilçisi 23 qola sevinib.

Qeyd edək ki, iki komanda arasında görüşlərdəki ikinci ən böyük fərq "Qarabağ" - "Şamaxı" qarşılaşmasına məxsusdur. Ağdam təmsilçisi 68 topluq üstünlüyə malikdir - 114-46.