“Sabah” heyətini yeni futbolçuyla gücləndirib.
Ukraynalı müdafiəçi Zurab Oçiqava bundan sonra Bakı klubunun uğurları üçün çalışacaq. 25 yaşlı futbolçuyla mövsümün sonuna kimi müqavilə bağlanılıb.
Zurab peşəkar karyerası ərzində Ukraynanın “İlyiçyovets” (2014/15), “Dinamo-2” (Kiyev, 2015/16), “Dinamo” (Kiyev, 2016/17), “Olimpik” (Donetsk, 2017/18), “Dnepr-1” (2018/19), “Vorskla” (2019/20) və Estoniyanın “Levadiya” (2020) klublarında çıxış edib. Oçiqava Ukrayna U-21 millisinin üzvü olub.
Anası ukraynalı, atası gürcü olan yeni transfer “Sabah”da 3 nömrəli formada çıxış edəcək.
