Futbol üzrə Azərbaycan Kubokunda növbəti yarımfinalçı bəlli olub

Futbol üzrə Azərbaycan Kubokunda növbəti yarımfinalçı müəyyənləşib.

Oxu.Az xəbər verir ki, 1/4 finalda səfərdə "Sumqayıt"a 4 cavabsız qolla qalib gələn "Sabah" yarımfinala adlayıb.

Qonaqların heyətində Anatoli Nuriyev (55), Xəyal Əliyev (71), Coy-Lens Mikels (82) və Amin Seydiyev (90+3) fərqləniblər.

Bu komandalar arasında keçirilən ilk görüşdə hesab açılmamışdı.

"Bayquşlar" növbəti raundda "Neftçi" - "Kəpəz" cütünün qalibi ilə qarşılaşacaq.

Qeyd edək ki, bu gün baş tutan digər 1/4 final matçında "Qarabağ" "Səbail"i 3:1 hesabı ilə məğlub edərək yarımfinala yüksələn ilk komanda olub. 1/4 final mərhələsinə sabah baş tutacaq iki görüşlə yekun vurulacaq.

19:34

Bu gün Azərbaycan Kubokunda 1/4 final mərhələsinin cavab oyunlarına start verilib.

Oxu.Az xəbər verir ki, "Qarabağ" "Səbail"i qəbul edib. Görüşə yaxşı başlayan ev sahibləri matçdan 3:1 hesablı qələbə ilə ayrılıblar.

Qeyd edək ki, komandalar arasındakı ilk matçda Ağdam klubu minimalhesablı qalibiyyət əldə etmişdi.

09:00

Bu gün Azərbaycan Kubokunda yarımfinal mərhələsinə yüksələn ilk komandalar bəlli olacaqlar.

Oxu.Az xəbər verir ki, cavab görüşlərinin ilk oyun günündə "Qarabağ" səfərdə minimal hesabla məğlub etdiyi "Səbail"i saat 16:00-da qəbul edəcək.

İlk oyunda 0:0 hesablı heç-heçəyə razılaşan "Sumqayıt"la "Sabah" isə saat 19:30-da üz-üzə gələcək.

Qeyd edək ki, cavab görüşlərinə fevralın 28-də "Zirə" - "Araz-Naxçıvan", "Neftçi" - "Kəpəz" matçı ilə yekun vurulacaq.

27 fevral

Azərbaycan Kuboku

1/4 final mərhələsi

Saat 16:00, "Qarabağ" - "Səbail";

Saat 19:30, "Sumqayıt" - "Sabah".