Azərbaycan millisinin iyunda keçiriləcək görüşlər üçün heyətinin açıqlanacağı tarix bəlli oldu

Azərbaycan millisinin iyunda keçiriləcək oyunlar üçün heyətinin açıqlanacağı vaxt bəlli olub.

Oxu.Az xəbər verir ki, bunu AFFA-nın mətbuat xidməti bildirib.

Mayın 23-də yığmanın baş məşqçisi Fernandu Santuşun mətbuat konfransı keçiriləcək. AFFA-nın inzibati binasında keçiriləcək tədbir saat 16:00-da başlayacaq.

Mətbuat konfransında millimizin yoldaşlıq görüşü çərçivəsində iyunun 7-də Riqada yerləşən "Skonto" stadionunda Latviya və iyunun 10-da "Liv Bona Dea Arena"da Macarıstan yığması ilə oyunlar üçün heyəti açıqlanacaq.