Azərbaycan Premyer Liqası çempionatların dünya reytinqində yeddi pillə irəliləyib

Azərbaycan Premyer Liqası çempionatların dünya reytinqində yeddi pillə irəliləyib

Dünyanın ən güclü futbol liqalarının qlobal reytinqi açıqlanıb. Cədvəldə planetin 71 ən yaxşı çempionatı yer alıb. Azərbaycan Premyer Liqası yeddi pillə irəliləyib.

Oxu.Az xəbər verir ki, Azərbaycan Premyer Liqası dünyada 43-cüdür. Çempionatın əmsalı 43.872-dir.

Premyer Liqa hər 6 aydan bir açıqlanan cədvəldə 7 pillə irəliləyib. Azərbaycan çempionatı 2024-cü ilin əvvəlində 50-ci idi.

Siyahıda ilk sıralarda "Böyük beşlik" liqalarıdır. İngiltərə Premyer Liqası 1-ci, İspaniya La Liqası 2-ci, İtaliya A seriyası 3-cü, Almaniya Bundesliqası 4-cü, Fransa Liqa1-i 5-cidir.

Avropadan kənar liqalar arasında ən yüksək mövqe MLS-dədir. Şimali Amerikadakı turnir dünyada 9-cudur. Qardaş Türkiyənin Superliqası ilk 10-luğu tamamlayır.

Qeyd edək ki, ən güclü aşağı liqa Çempionşipdir. İngiltərənin gücünə görə ikinci liqası dünyada 11-cidir.