Azərbaycan Premyer Liqası: "Neftçi" "Zirə"yə qalib gəldi

Azərbaycan Premyer Liqasında XIV turun növbəti oyunu keçirilib.

Oxu.Az xəbər verir ki, "Neftçi" doğma meydanda "Zirə" ilə qarşılaşıb. Görüş ev sahibi komandanın 2:1 hesablı qələbəsi ilə yekunlaşıb.

Bu qələbə ilə xallarını 13-ə çatdıran "Neftçi" 7-ci pilləyə yüksəlib. "Zirə" isə 20 xalla 4-cü yerdə qalıb.

Günün ilk oyununda "Qarabağ" "ASCO Arena"da "Səbail"lə qarşılaşıb. Görüş Ağdam təmsilçisinin 3:0 hesablı qələbəsi ilə başa çatıb.

Qeyd edək ki, XIV turun açılış oyununda "Araz-Naxçıvan" "Kəpəz"ə 2:0 hesabı ilə qalib gəlib. Tura noyabrın 24-də keçiriləcək 2 oyunla yekun vurulacaq.

19:54

"Qarabağ" Azərbaycan Premyer Liqasında növbəti qələbəsini qazanıb.

Oxu.Az bildirir ki, Ağdam təmsilçisi səfərdə XIV turda "Səbail"i məğlub edib - 0:3.

47-ci dəqiqədə Olavio Juninyo fərqlənib. 66-cı dəqiqədə Aleksey Kaşuk ikinci qolu vurub. 88-ci dəqiqədə Leandro Andrade görüşdə son nöqtəni qoyub.

Lider "Qarabağ" xallarının sayını 34-ə çatdırıb. "Dənizçilər" isə 8 xalla 9-cu sıradadır.

Günün ikinci matçında "Neftçi" "Zirə"ni qəbul edəcək.

Qeyd edək ki, ötən gün "Araz-Naxçıvan" "Kəpəz"i iki cavabsız qolla üstələyib. Tura noyabrın 24-də yekun vurulacaq.

09:16

Bu gün Azərbaycan Premyer Liqasında XIV turunda daha iki görüş keçiriləcək.

Oxu.Az xəbər verir ki, turun mərkəzi görüşlərində "Səbail" "Qarabağ"ı saat 17:00-da, "Neftçi" isə "Zirə"ni saat 19:00-da qəbul edəcək.

Xatırladaq ki, ilk oyun günündə "Araz-Naxçıvan" səfərdə "Kəpəz"i 2:0 hesabı ilə məğlub edib.

Qeyd edək ki, tura noyabrın 24-də keçiriləcək "Turan Tovuz" - "Sabah", "Sumqayıt" - "Şamaxı" görüşü ilə yekun vurulacaq.

23 noyabr

Azərbaycan Premyer Liqası

XIV tur

Saat 17:00, "Səbail" - "Qarabağ"

Saat 19:00, "Neftçi" - "Zirə"