Azərbaycan Premyer Liqası: “Sumqayıt” evdə qələbə qazandı - VİDEO

Futbol üzrə Azərbaycan Premyer Liqasında XXVIII tura yekun vurulub.

Oxu.Az xəbər verir ki, günün yeganə oyununda “Sumqayıt” “Araz-Naxçıvan”ı qəbul edib.

Qarşılaşma meydan sahiblərinin qələbəsi ilə bitib - 1:0. “Gənclik şəhəri” təmsilçisinin heyətində 7-ci dəqiqədə penaltidən Kasimir Ninqa fərqlənib.

Bu nəticədən sonra xallarının sayını 42-yə çatdıran “Sumqayıt” üçüncü pillədəki “Zirə”yə çatıb. Naxçıvan klubu 32 xalla səkkizincidir.

Qeyd edək ki, bu turda “Neftçi” “Qəbələ”i, (1:0), “Qarabağ” “Kəpəz”i (6:1), “Zirə” “Sabah”ı (1:0) məğlub edib. “Səbail” - “Turan Tovuz” görüşündə qalib müəyyənləşməyib - 1:1.

10:00

Bu gün futbol üzrə Azərbaycan Premyer Liqasında XXVIII tura yekun vurulacaq.

Oxu.Az xəbər verir ki, sonuncu matçda “Sumqayıt” “Araz-Naxçıvan”ı qəbul edəcək.

“Gənclik şəhəri” təmsilçisi 39 xalla beşinci, qonaqlar 32 xalla səkkizinci pillədə qərarlaşıblar.

Azərbaycan Premyer Liqası

XXVIII tur

18:00. Sumqayıt” – “Araz-Naxçıvan”

Hakimlər: Kamranbəy Rəhimov, Şirmamed Mamedov, Zöhrab Abbasov, Əli Əliyev

Hakim-inspektor: Barış Şimşek

AFFA nümayəndəsi: Elgiz Abasov

M.Hüseynzadə adına Sumqayıt şəhər stadionu

Qeyd edək ki, bu turda “Neftçi” “Qəbələ”i, (1:0), “Qarabağ” “Kəpəz”i (6:1), “Zirə” “Sabah”ı (1:0) məğlub edib. “Səbail” - “Turan Tovuz” görüşündə qalib müəyyənləşməyib - 1:1.