Azərbaycanın futbol üzrə I Liqasında da legioner limiti artırılır

Yeni mövsümdə I Liqada da legioner limiti dəyişəcək.

Oxu.Az "Sport24.az"a istinadən xəbər verir ki, ölkə futboluna rəhbərlik edənlər aşağı dəstənin də səviyyəsini yüksəltmək, həmçinin 2025/26 mövsümünün yekununda elitaya yüksələcək komandanın Premyer Liqaya hazır olmasını nəzərə alaraq bu addımı atmağa qərar verib.

Redaksiyamıza daxil olan bilgiyə əsasən, növbəti mövsümdə I Liqada limit "8+3" olacaq. Yəni komandalar eyni anda səkkiz legionerin xidmətindən yararlana biləcək. İcraiyyə Komitəsinin qarşıdakı iclasında bu məsələ gündəmə çıxarılacaq.

Qeyd edək ki, hazırda I Liqada limit "3+8" şəklindədir. Hər komandanın heyətində maksimum üç əcnəbi meydana çıxa bilər.