Azərbaycanın tanınmış məşqçisi koronavirusa yoluxdu

Azərbaycanın tanınmış futbol məşqçisi Nadir Qasımov koronavirusa yoluxub.

Oxu.Az Sportinfo.az-a istinadən xəbər verir ki, o, artıq xəstəxanaya yerləşdirilib.

Nəfəs darlığından və yüksək hərarətdən əziyyət çəkən mütəxəssisin vəziyyəti hazırda sabitdir. Onun hansı şəraitdə xəstəliyə yoluxduğu məlum deyil. N.Qasımov xəstəxanaya yerləşdirilənə qədər son bir neçə günü evdə keçirib.

Qeyd edək ki, Nadir Qasımov “Bakı fəhləsi”, “MKT-Araz”, “Avtomobilçi”, “Bakılı”, “Şuşa-Qarabağ” kimi bir çox klubu çalışdırıb.