"Beşiktaş"da "yarpaq tökümü": Klub prezidenti də istefa verdi

Türkiyənin "Beşiktaş" klubunun prezidenti Hasan Arat istefa verib.

Bu barədə "Hurriyet" nəşri məlumat yayıb.

Eyni zamanda, klubun vitse-prezidenti Onur Göçmezin istefası qəbul edilməyib.

11:36

"Beşiktaş" klubunun idarə heyətinin iki üzvü - müşavir Bradley Hovard Friedel və vitse-prezident Onur Göçmez istefa veriblər.

Oxu.Az xəbər verir ki, İdarə Heyətinin müşaviri Bradley Hovard Friedel ötən gecə, vitse-prezident Onur Göçmez isə bu səhər istefasını verib.

Onur Göçmez istefası qərarı ilə bağlı məktubunu yazılı şəkildə kluba göndərib.

Qeyd edək ki, "Beşiktaş" rəsmiləri klubun baş məşqçisi Ciovanni van Bronkhorsta isə cəmi iki oyunluq möhlət veriblər.