Böyük Dəbilqə: Azərbaycanın iki cüdoçusu qızıl medal qazanıb - YENİLƏNİB + FOTO

Azərbaycanın daha bir cüdoçusu Bakıda keçirilən Böyük Dəbilqə turnirinin qalibi olub.

“Report”un məlumatına görə, 81 kq çəki dərəcəsində Zelim Tçkayev final görüşünü qələbə ilə başa vurub.

O, həlledici qarşılaşmada Avstriya təmsilçisi Şamil Borçaşviliyə qalib gəlib.

Z.Tçkayevə qədər Hidayət Heydərov (73 kq) Böyük Dəbilqənin qızıl medalını qazanıb.

Qeyd edək ki, ötən gün kişilər arasında Yaşar Nəcəfov (66 kq) qızıl, qadınların mübarizəsində isə Leyla Əliyeva (48 kq) gümüş medala yiyələniblər.

15:22

Azərbaycanın iki cüdoçusu Bakıda keçirilən Böyük Dəbilqə turnirinin finalına yüksəlib.

“Report”un məlumatına görə, Hidayət Heydərov (73 kq) və Zelim Tçkayev (81 kq) bütün rəqiblərini üstələyərək, həlledici görüşə vəsiqə qazanıblar.

H.Heydərov yarımfinalda özbəkistanlı Şaxram Əhədova qalib gəlib. Onun finaldakı rəqibi Moldova təmsilçisi Pyotr Pelivan olacaq. Z.Tçkayev isə final yolunda Özbəkistanın digər idmançısı Nurbek Murtozoyevi məğlub edib. Cüdoçumuz həlledici dueldə avstriyalı Şamil Borçaşvili ilə qarşılaşacaq.

Qeyd edək ki, ötən gün kişilər arasında Yaşar Nəcəfov (66 kq) qızıl, qadınların mübarizəsində isə Leyla Əliyeva (48 kq) gümüş medal qazanıb.