Azərbaycanın üç cüdoçusu Monqolustanın paytaxtı Ulan-Batorda keçirilən Böyük Dəbilqə turnirində uğursuzluqla üzləşib.
Oxu.Az xəbər verir ki, 73 kiloqram çəki dərəcəsində mübarizə aparan idmançılardan Nurlan Osmanov təsəlliverici görüşdə Vallteri Olinə (Finlandiya), İbrahim Əliyev eyni raundda yerli cüdoçu Erdenebayar Batzayaya uduzub.
81 kq-dakı Zelim Tçkayev ilk dueldə Conqhun Vona (Cənubi Koreya) yenilərək mübarizəni dayandırıb.
Qeyd edək ki, daha əvvəl Yaşar Nəcəfov (66 kq) bürünc medal qazanıb.
Xatırladaq ki, Böyük Dəbilqə iyunun 25-də başa çatacaq.
