"Çelsi" azlıqda qaldı, "Tottenhem" fürsəti əldən vermədi - Video

İngiltərə Premyer Liqasının VIII turunda "Tottenhem" səfərdə "Çelsi"ni 0:2 hesabı ilə məğlub edib.

Oxu.Az xəbər verir ki, "Stemford Bric" stadionunda keçirilən qarşılaşmada hesab 77-ci dəqiqədə açılıb. "Çelsi"nin qapıçısı Mayk Penders künc zərbəsi zamanı topu uğursuz uzaqlaşdıraraq öz qapısına göndərib.

80-ci dəqiqədə meydan sahiblərinin futbolçusu Koul Palmer ikinci sarı vərəqəni alaraq meydandan qovulub. 87-ci dəqiqədə isə Matiss Tel fərqlənərək "Tottenhem"in üstünlüyünü iki topa çatdırıb.

Bu qələbədən sonra 13 xalı olan "Çelsi" turnir cədvəlinin dördüncü pilləsində qalıb. Doqquz xalı olan "Tottenhem" isə 12-ci yerdə qərarlaşıb.

Növbəti turda "Çelsi" oktyabrın 31-də "Mançester Yunayted"lə, "Tottenhem" isə "Kristal Pelas"la qarşılaşacaq.