ÇL: “Çelsi”dən qələbə, “Yuventus” səfərdən heç-heçə ilə dönür - YENİLƏNİB + VİDEO

UEFA Çempionlar Liqasında (ÇL) 1/8 final mərhələsində daha iki oyun keçirilib.

Oxu.Az xəbər verir ki, “Çelsi” İngiltərədə Fransanın “Lill” klubu ilə üz-üzə gəlib.

Qarşılaşmada erkən qol vurulub. Matçın 8-ci dəqiqəsində Kay Havertz fərqlənib və meydan sahiblərini hesabda önə çıxarıb.

Qarşılaşmanın 63-cü dəqiqəsində Pulişiç londonluların ikinci qoluna imza atıb.

Matç elə bu hesabla yekunlaşıb - 2:0. 

Gecənin digər oyununda İtaliya “Yuventus”u İspaniyada “Vilyareal”la qarşılaşıb.

Turinlilər 1-ci dəqiqədə Vlahoviçin qolu ilə önə keçiblər.

Matçın 66-cı dəqiqəsində Parexo meydan sahiblərinin bərabərlik qoluna imza atıb. 

Qarşılaşmada başqa qol olmayıb və tərəflər meydandan sülhlə ayrılıblar.

UEFA Çempionlar Liqası

1/8 final, ilk oyunlar

22 fevral

“Çelsi” (İngiltərə) – “Lill” (Fransa) – 2:0
Qollar: Havertz, 8, Pulişiç, 63

ÇL: “Çelsi”dən qələbə, “Yuventus” səfərdən heç-heçə ilə dönür - YENİLƏNİB + VİDEO

00:03

UEFA Çempionlar Liqasında (ÇL) 1/8 final mərhələsində daha iki oyuna start verilib.

Oxu.Az xəbər verir ki, “Çelsi” İngiltərədə Fransanın “Lill” klubu ilə üz-üzə gəlir.

Gecənin digər oyununda İtaliya “Yuventus”u İspaniyada “Vilyareal”la qarşılaşır.

UEFA Çempionlar Liqası

1/8 final, ilk oyunlar

22 fevral

“Çelsi” (İngiltərə) – “Lill” (Fransa) – 0:0

“Vilyareal” (İspaniya) – “Yuventus” (İtaliya) – 0:0

11:16

UEFA Çempionlar Liqasında (ÇL) 1/8 final mərhələsinin daha 2 oyunu keçiriləcək.

Oxu.Az xəbər verir ki, “Çelsi” İngiltərədə Fransanın “Lill” klubu ilə üz-üzə gələcək. Gecənin digər oyununda İtaliya “Yuventus”u İspaniyada “Vilyareal”la qarşılaşacaq.

UEFA Çempionlar Liqası

1/8 final, ilk oyunlar

22 fevral

00:00 “Çelsi” (İngiltərə) – “Lill” (Fransa)

Baş hakim: Xesus Xil Mansano (İspaniya)

London. “Stemford Bric” stadionu

Oynamayacaqlar: Ben Çilvell, Kolum Hadson-Odoy, Ris Ceyms (hər üçü “Çelsi”)

Oynayacağı sual altında olanlar: Sesar Aspilikueta, Meyson Maunt (hər ikisi “Çelsi”)

Çempionlar Liqasının son qalibi və klublararası son dünya çempionu “Çelsi” bu matçın favoritidir. Bu komandalar sonuncu dəfə 2019-cu ildə bu turnirin qrup mərhələsində qarşılaşıb. 11 dekabr 2019-cu ildə Londonda baş tutmuş matçda “Çelsi” 2:1 hesabı ilə qalib gəlib. Qollardan birinin müəllifi olan ispaniyalı cinah müdafiəçisi Sesar Aspilikueta hazırda əzələ zədəsindən əziyyət çəkir və meydana çıxması sual altındadır. 

00:00 “Vilyareal” (İspaniya) – “Yuventus” (İtaliya)

Baş hakim: Daniel Zibert (Almaniya)

Vilyareal. “Estadio de la Seramiko” stadionu

Oynamayacaqlar: Fransis Koklen, Xerard Moreno, Ruben Penya (hər üçü “Vilyareal”), Federiko Bernardeski, Corco Kyellini, Federiko Kyeza, Paulo Dibala, Daniele Ruqani (hamısı “Yuventus”)

Oynayacağı sual altında olanlar: Etyen Kapu, Covani Lo Çelso (hər ikisi “Vilyareal”), Leonardo Bonuççi, Luka Pelleqrini (hər ikisi “Yuventus”)

Komandalar indiyədək rəsmi turnirlərdə üz-üzə gəlməyib. Yalnız 2009-cu ilin avqustun 7-də tərəflər yoxlama oyununda qarşılaşıb. Onda da İspaniya klubu İtaliya nəhənginə böyük hesabla – 4:1 hesabı ilə qalib gəlib. Heç də yaxşı günlərini yaşamayan “Yuventus” bu matça da itkilərlə çıxacaq.

Qeyd edək ki, 1/8 finalın ilk 4 görüşündə “Mançester Siti” (İngiltərə) Lissabonda “Sportinq”ə (Portuqaliya) 5:0, PSJ (Fransa) Parisdə Madrid “Real”ına (İspaniya) 1:0, “Liverpul” (İngiltərə) Milanda “İnter”ə (İtaliya) 2:0 hesabı ilə qalib gəlib, “Bayern” (Almaniya) isə Avstriyada yerli “Zalsburq”la heç-heçə edib – 1:1.

Səbuhi Musa