Ən son xəbərləri bizim "X" səhifəmizdə izləyin
Daha beş komanda AVRO-2020-yə vəsiqə qazanıb
AVRO-2020-nin seçmə mərhələsində şənbə və bazar günü keçirilən qarşılaşmalarla daha beş komanda dörd oyunu Bakıda keçiriləcək Avropa çempionatının finallarına vəsiqə qazanıb.
Oxu.Az xəbər verir ki, şənbə günü keçirilən qarşılaşmalardan sonra Almaniya, Hollandiya, Xorvatiya və Avstriya milliləri dörd ildən bir keçirilən qitənin ən ali yığma komanda turnirində iştirak etmək hüququ əldə edib.
Dünən isə Portuqaliya Lüksemburq səfərindən 2:0 qalib ayrılmaqla Ukraynanın ardından B qrupunun ikincisi kimi bu şansa nail olub.
Xatırladaq ki, daha öncə İngiltərə, Çexiya, Ukrayna, İspaniya, İsveç, Polşa, Fransa, Türkiyə, Belçika, Rusiya, İtaliya və Finlandiya bu hüquqa yiyələnmişdi. Beləliklə, AVRO-2020-yə vəsiqə qazanan komandaların sayı 17-yə çatıb.
Bu gün D qrupunda daha iki iştirakçının adına aydınlıq gələcək. Bunlardan birinin xalsız olan autsayder Cəbəlüttariqlə görüşən İsveçrənin olacağı ehtimal edilir. Bakı vaxtı ilə saat 23:45-də başlayacaq İrlandiya – Danimarka oyununun qalibi ikinci iştirakçını müəyyənləşdirəcək. Danimarkalılara heç-heçə də sərf edir.
Səbuhi Musayev
"Almaniya" teqi üzrə xəbərlər
- Almaniyadan Rusiya ilə müharibə üçün 1000 səhifəlik məxfi plan barədə RƏSMİ AÇIQLAMA
- Bu xəbərləri qaçırmayın: 21.11.2024-ün ən mühüm hadisələri
- Annalena Berbok: "İqlim maliyyəsi sahəsində əməkdaşlığın genişləndirilməsi vacibdir"
- Almaniyada maraqlı hadisə: Göyərçin 200 sürücünü yeraltı dayanacağa kilidlədi
- Annalena Berbok: "Bakıda bütün qitələrdə iqlim koalisiyalarının yaradılması üzərində çalışırıq"
Ən çox oxunanlar
Rəylər