DÇ-2026: Braziliya - Uruqvay görüşündə qalib müəyyənləşməyib

Dünya Çempionatına seçmə mərhələnin 12-ci turunda Braziliya millisi Uruqvayla qarşılaşıb.

Oxu.Az xəbər verir ki, gərgin mübarizə vəd edən qarşılaşmada sükut 55-ci dəqiqədə pozulub. Federiko Valverde qonaqları hesabda irəli çıxarıb. Amma məğlubiyyətlə barışmayan Braziliya seçməsi hesaba tarazlıq gətirməyi bacarıb. Qerson 62-ci dəqiqədə bərabərlik qolunu vurub - 1:1.

Qalan vaxt ərzində komandalar çox çalışsalar da, hesab dəyişməyib.

Qeyd edək ki, aktivində 20 xalı olan Uruqvay turnir cədvəlinin ikinci pilləsində qərarlaşıb, Braziliya isə 18 xalla beşincidir.