"ChatGPT" builki futbol üzrə dünya çempionatında hava şəraitinə görə dörd matçın yarımçıq dayandırılacağını ehtimal edir.
Oxu.Az xəbər verir ki, gələn ilki mundialın əsas məşqi hesab edilən 2025-ci il klublararası dünya çempionatında eyni səbəbdən artıq bir neçə oyun təxirə salınmışdı.
İndiyədək DÇ-2026 çərçivəsində heç bir qarşılaşma hava şəraitinin pisləşməsinə görə ləngiməyib və ya dayandırılmayıb. Lakin "ChatGPT"nin proqnozuna əsasən, turnirin sonuna qədər belə oyunların sayı dörd olacaq.
Digər süni intellekt modeli olan "Qwen" isə bu göstəricinin üçlə beş arasında dəyişəcəyini bildirir. Öz növbəsində, "DeepSeek" daha nikbin mövqedədir və heç bir görüşün qeyri-sabit hava şəraitinə görə yarımçıq qalmayacağına inanır.
ABŞ-də idman yarışları da daxil olmaqla, açıq havada keçirilən tədbirlər üçün olduqca sərt təhlükəsizlik protokolu qüvvədədir. Həmin qaydalara görə, stadionun səkkiz mil (təxminən 13 km) radiusunda ildırım çaxarsa, oyun dərhal minimum 30 dəqiqə müddətinə dayandırılmalıdır.
Tələblərə əsasən, bu cür hallarda bütün azarkeşlər arenanı mütləq tərk etməlidirlər. ABŞ turnir müddətində də özünün bu ənənəvi protokoldan imtina etməyib. Təbiət hadisələri ilə əlaqədar ən böyük risk zonasında yerləşən şəhərlər isə Mayami, Atlanta, Hyuston və Kanzasdır.
