İngiltərə millisinin yarımmüdafiəçisi Deklan Rays Norveç yığmasına qarşı keçiriləcək DÇ-2026-nın 1/4 final matçı ərəfəsində yoluxucu xəstəlik səbəbindən komandanın heyətindən kənarlaşdırılıb.
Oxu.Az xəbər verir ki, bu barədə "Daily Mail" nəşri məlumat yayıb.
İngiltərə yığmasının nümayəndələri xəstəliyin yayılma riskinin qarşısını almaq məqsədilə Raysın təcrid olunması üçün dərhal lazımi tədbirlər görüblər.
Virus infeksiyasından əlavə, tanınmış oyunçunun dizaltı vətərində və bel nahiyəsində də problemlər mövcuddur.
Qeyd edək ki, bundan əvvəl bənzər virus simptomları Norveç yığmasının futbolçularında da aşkar edilmişdi.
Xatırladaq ki, İngiltərə və Norveç milliləri arasındakı oyun iyulun 12-nə keçən gecə Bakı vaxtı ilə saat 01:00-da başlayacaq.
Qaynar xətt:
(055) 224 12 12
