58 yaşlı yapon hücumçu Kazuyoşi Miura "Fukushima United" klubu ilə müqavilə imzalayıb.
Oxu.Az xəbər verir ki, bu barədə jurnalist İvan Karpov "Telegram" kanalında yazıb.
Müqavilənin imzalanmasından sonra idmançı 1982-ci ildə başlayan karyerasında 41-ci peşəkar mövsümünə start verəcək. Miura dünyanın aktiv ən yaşlı futbolçusu hesab olunur. "Fukushima United" klubu hücumçu üçün karyerasında 19-cu klub olacaq.
O, ilk müqaviləsini 1986-cı ildə Braziliyanın "Santos" klubu ilə imzalayıb. Miura İtaliya A Seriyasında oynayan ilk yapon olub, həmçinin Xorvatiya, Avstraliya və Portuqaliya klublarında çıxış edib.
Yaponiyada o, 1993-cü ildə J-Liqa-nın ən dəyərli oyunçusu olub və "Yokohama"da 20 il keçirib.
Futbolçunun Yaponiya millisində 89 oyunda 55 qolu var. 2024-cü il mövsümündə Miura 10 oyun keçirib və orta hesabla hər oyunda 30 dəqiqə meydanda olub.
Klubun məlumatına görə, o, formasını erkən məşqlər və ailədən ayrı yaşama daxil olmaqla ciddi rejim sayəsində qoruyub saxlayır ki, matçlara hazırlaşa bilsin.
