Bakıda keçirilən cüdo üzrə dünya çempionatının ilk günündə medalsız qaldıq.
Oxu.Az xəbər verir ki, Kəramət Hüseynov KXDR idmançısını ipponla məğlub edib.
Lakin o, bürünc medal uğrunda görüşdə Orxan Səfərova da qalib gəlmiş gürcü Amiran Papinaşviliyə vazari balı hesabına uduzub.
Qeyd edək ki, Kəramət Hüseynov Olimpiya çempionumuz Elnur Məmmədlinin bacısı oğludur.
14:35
Bakıda cüdo üzrə dünya çempionatı start götürüb.
Oxu.Az xəbər verir ki, ilk yarış günündə üç idmançımız mübarizə aparıb.
Qadınlarda Aişə Qurbanlı (48 kq) və kişilərdə Orxan Səfərov (60 kq) 1/8 finalda mübarizəni dayandırıb.
60 kq çəki dərəcəsində yarışan digər idmançımız Kəramət Hüseynov isə yalnız 1/4 finalda büdrəyib.
O, saat 16:00-da başlayacaq axşam proqramında təsəlliverici yarışlara qatılacaq. Onun rəqibi KXDR idmançısı Yonq Qvan Kim olacaq.
Səbuhi MUSAYEV
www.oxu.az
