Gənclər və İdman Nazirliyi Rusiyanın Soçi şəhərinin Adler rayonunda keçirilmiş erməni Sovet İttifaqı Qəhrəmanı Martiros Naqulyanın şərəfinə keçirilən boks turniri ilə bağlı Oxu.Az-a mövqeyini açıqlayıb. Nazirlikdən bildiriblər ki, bu məsələdən xəbərdardırlar:
“Bildiyimizə görə, bu yarışı Soçi Boks Federasiyası keçirir. Soçidəki yerli telekanal bu turnir haqda reportaj hazırlayıb. Həmin vaxt Qarabağdakı qondarma rejimin əski parçası da görünür. Təbii ki, bu bizi qane edə bilməz. Qarabağ ərazisində belə bir qurumun olmadığından, biz bunu qəbul edə bilmərik. Ona görə də Rusiya İdman Nazirliyinə bu barədə etiraz məktubu göndərəcəyik”.
16.26
Azərbaycan Boks Federasiyası Rusiyanın Soçi şəhərinin Adler rayonunda ermənilərin keçirdiyi beynəlxalq turnirdə yol verdiyi qanunsuzluqla bağlı müvafiq qurumlara etirazını bildirib.
Bu barədə Oxu.Az-a federasiyadan məlumat verilib:
“Bununla bağlı AIBA (Beynəlxalq Həvəskar Boks Assosiasiyası), EUBC (Avropa Boks Konfederasiyası), həmçinin Rusiya Boks Federasiyalarına etiraz məktubu ünvanlamışıq. Məktubda həmin adda hansısa “respublika”nın olmadığı vurğulanıb və yarışda erməni idmançılarının başqa adla çıxışı pislənilib. Ümid edirik ki, təşkilatçılar səhvlərini nəzərə alaraq lazımi addımı atacaqlar”.
Qeyd edək ki, Rusiyanın Soçi şəhərinin Adler rayonunda hərbi pilot, Sovet İttifaqı Qəhrəmanı, erməni əsilli leytenant Martiros Naqulyanın şərəfinə boks üzrə beynəlxalq turnir keçirilib. Yarış Rusiya Erməniləri Birliyinin Soçi şöbəsinin himayəsi altında baş tutub.
Bu turnirdə ermənilər Azərbaycana qarşı təxribata əl atıb. Belə ki, tanınmamış respublikaların – qondarma Artsax və Abxaziyanın yeniyetmə və gənc boksçuları burada mübarizə aparıb.
Yarışın açılış mərasimində isə Almaniyanı təmsil edən erməni idmançı, IBF və WBO versiyaları üzrə peşəkar boks üzrə dünya çempionu Artur Abraham (Avetik Abrahamyan) da çıxış edib. Əldə etdiyimiz məlumata görə, yubiley – 35-ci dəfə keçirilən bu turnirdə daha əvvəllər də Azərbaycan və Gürcüstan kimi qonşu ölkələrin suveren hüquqları pozulub.
:1200.jpeg)
:640.jpeg)
Səbuhi Musayev
