Olimpiya mükafatçımız Rəsul Çunayev finala çıxa bilməyib.
Oxu.Az xəbər verir ki, o, ikiqat dünya çempionu olan alman rəqibinə 1:9 hesabı ilə uduzub.
Qeyd edək ki, sabah Eldəniz Əzizli final, Rəsul Çunayev isə bürünc medal uğrunda güləşəcək.
19:12
Bu il böyüklər arasında Avropa çempionu olmuş Eldəniz Əzizli karyerasının ən yüksək nəticəsini qazanmağa yaxındır.
Oxu.Az xəbər verir ki, o, gürcü rəqibini 6:3 yenərək finala çıxıb.
16:58
Azərbaycanın iki yunan-Roma güləşçisi dünya çempionatının (DÇ) yarımfinalına vəsiqə qazanıb.
Oxu.Az xəbər verir ki, Eldəniz Əzizli Macarıstan və Çin idmançılarından sonra Yaponiya güləşçisinə də 9:0 qalib gələrək 1/2 finalda mübarizə aparmaq hüququ əldə edib.
Onun rəqibi gürcüstanlı Nuqzar Surtsumia olacaq.
Dünya çempionluğuna namizədimiz Rəsul Çunayev isə 1/4 finalda iranlı rəqibini 5:4 hesabı ilə məğlub edib. O, yarımfinalda Almaniya güləşçisi Frank Şteblerlə qarşılaşacaq.
Digər iki güləşçimiz isə 1/4 finalda uduzub. Taleh Məmmədov Misir, Rafiq Hüseynov isə İran güləşçisinə 0:3 hesabı ilə məğlub olub.
Qeyd edək ki, yarımfinal görüşləri Bakı vaxtı ilə saat 18:45-dən etibarən başlayacaq.
Səbuhi MUSAYEV
www.oxu.az
