Kanadanın federal hökuməti futbol üzrə dünya çempionatı zamanı təhlükəsizliyin ən yüksək səviyyədə təmin edilməsi üçün 145 milyon Kanada dollarına (106 milyon ABŞ dolları) qədər vəsait ayıracaq.
Oxu.Az "The Globe and Mail" nəşrinə istinadən xəbər verir ki, bu addım ev sahibi olan şəhərlərə - Vankuver və Torontoya turnir dövründə polis qüvvələrinin misilsiz miqyasda səfərbər edilməsi nəticəsində yaranan nəhəng xərclərin qarşılanmasına kömək məqsədi daşıyır.
Aprelin 29-da Torontoda ayrılması rəsmən elan edilən bu böyük maliyyə paketi hüquq-mühafizə orqanlarına potensial təhlükəsizlik təhdidlərini diqqətlə izləməyə və dərhal qarşısını almağa imkan verəcək.
İyun ayında ABŞ və Meksika ilə birlikdə ilk dəfə Kanada ərazisində keçiriləcək FIFA miqyaslı bu qlobal tədbirdə məhz təhlükəsizliyin təminatı ən çox maliyyə tələb edən istiqamətlərdən birinə çevrilib.
