"Qalatasaray"ın əfsanəvi futbolçusu Georgi Haci Mauro İkardiyə təbrik mesajı ünvanlayıb.
Oxu.Az xəbər verir ki, bu barədə sabiq futbolçu "Facebook" hesabında paylaşım edib.
O, təbrik mesajında İkardinin "Qalatasaray" forması ilə göstərdiyi performansı yüksək qiymətləndirib:
"Qalatasaray" forması ilə əldə etdiyin möhtəşəm performansdan dolayı səni təbrik etmək istəyirəm. Bu istedadınızı, qətiyyətinizi və sarı-qırmızı rənglərə olan ehtirasınızı əks etdirən bir uğurdur. "Qalatasaray" tarixinə xoş gəldin! "Qalatasaray" üçün qızıl səhifələr yazmağa və gələcək nəsillərə ilham verməyə davam et, mənim zamanımda etməyə çalışdığım kimi. Əsas önəmli olan azarkeşlərin qəlbində buraxdığın izdir. Sən "Qalatasaray" əfsanəsi oldun".
Qeyd edək ki, Mauro İkardi Türkiyə SuperLiqasında vurduğu 60 qolla Georgi Hacini geridə qoyaraq "Qalatasaray" tarixində daxili çempionatlarda ən çox qol vuran əcnəbi futbolçu adını qazanıb.
