Güləş Federasiyası: Avropa çempionumuz üzünü qırxmaq istəmir

Elçin Əliyevin özü də etiraf edib ki, komandadan qovulmaq söhbəti yoxdur. Ona deyilib ki, üzünü qırxıb gəlsin. O da üzünü qırxmaq istəmədiyinə görə məşqə gəlmir. Yəni bu, qovulma deyil. Bununla bağlı federasiyanın rəsmi mövqeyi yəqin ki, bu gün açıqlanacaq.

Oxu.Az Modern.az-a istinadən xəbər verir ki, bunu Azərbaycan Güləş Federasiyasının mətbuat katibi Mais Musayev deyib.

Xatırladaq ki, dünən yunan-Roma güləşi üzrə milli komandanın üzvü, Avropa çempionu Elçin Əliyev saqqal saxladığına görə komandanın təlim-məşq toplanışından qovulması barədə xəbərlər yayılmışdı.

www.oxu.az