Hakan Çalhanoğlu yeddi il sonra ilk dəfə penaltidən fərqlənə bilmədi

"İnter"in türkiyəli futbolçusu Hakan Çalhanoğlu İtaliya klubunda ilk dəfə penaltidən fərqlənə bilməyib.

Oxu.Az xəbər verir ki, o, İtaliya A seriyasının 12-ci turunda "Napoli"yə qarşı oyunun 74-cü dəqiqəsində 11 metrlik cərimə zərbəsini qaçırıb.

Hakan bundan əvvəl son dəfə klub karyerasında "Bayer Leverkuzen"də oynadığı zaman - 2016-2017 mövsümündə "Leypziq"lə matçda penaltini dəqiq yerinə yetirə bilməyib.

Qeyd edək ki, "İnter" - "Napoli" matçı 1:1 hesablı bərabərliklə yekunlaşıb. Penaltidən fərqlənə bilməyən Çalhanoğlu 43-cü dəqiqədə bərabərlik qolunu vurub.