"Fənərbağça" futbol klubu Türkiyə millisinin və "İnter"in yarımmüdafiəçisi Hakan Çalhanoğlunu transfer etmək istəyir.
Oxu.Az "La Gazzetta dello Sport"a istinadən xəbər verir ki, İstanbul təmsilçisi 32 yaşlı futbolçu üçün qış transfer pəncərəsində rəsmi təklif göndərməyə hazırlaşır.
Çalhanoğlunun da karyerasını Türkiyədə davam etdirmək variantına müsbət yanaşdığı və mümkün təklifləri dəyərləndirməyə hazır olduğu bildirilir.
Qeyd edək ki, Hakan Çalhanoğlunun "İnter"lə müqaviləsi 2027-ci ilin yayında başa çatacaq.
Qaynar xətt:
(055) 224 12 12
