İngiltərə Premyer Liqası: "Arsenal"a qələbə üçün bir qol bəs etdi

İngiltərə Premyer Liqasının 37-ci turunda "Arsenal" və "Nyukasl Yunayted" komandalarının qarşılaşması başa çatıb.

Oxu.Az xəbər verir ki, Londondakı matçda meydan sahibləri 1:0 hesabı ilə qalib gəliblər.

Matçın yeganə qolunu 55-ci dəqiqədə "topçular"ın yarımmüdafiəçisi Deklan Rays Martin Odeqardın ötürməsindən vurub.

Hazırda "Arsenal"ın 37 oyundan 71 xalı var və klub İngiltərə Premyer Liqasının yarış cədvəlində ikincidir. "Nyukasl Yunayted" üçüncüdür. Komanda eyni sayda görüşdən 66 xal toplayıb. Turnir cədvəlinə 83 xalla "Liverpul" başçılıq edir. Komanda vaxtından əvvəl çempionluğu təmin edib.