İngiltərə Premyer Liqası: "Arsenal" qələbəni əldən verdi

İngiltərə Premyer Liqasının 22-ci turunda London "Arsenal"ı "Aston Villa"nı qəbul edib.

Oxu.Az xəbər verir ki, "Emirates" stadionundakı qarşılaşmada komandalar 2:2 hesabı ilə bərabərə qalıblar.

Oyunda ilk 2 qolu "topçular" vursalar da, yekunda qələbəni əldən veriblər.

Keçirilən 22 matçdan sonra "Arsenal" 44 xalla Premyer Liqanın turnir cədvəlində ikinci yerdədir. "Aston Villa" eyni sayda oyundan sonra 36 xalla yeddincidir. Turnir cədvəlinə 50 xalla "Liverpul" başçılıq edir.