"İnter"in futbolçusu Alessandro Bastoninin evi klubun Qazaxıstan "Kayrat"ına qarşı matçı zamanı qarət edilib.
Oxu.Az xəbər verir ki, bu barədə "La Gazzetta dello Sport" məlumat yayıb.
Oyun zamanı Bastoni "San Siro" stadionunda olarkən, dörd nəfərdən ibarət dəstə onun evinə daxil olaraq saatlar və dizayner çantaları da daxil olmaqla müxtəlif əşyaları oğurlayıb.
Quldurların bir neçə dəqiqə ərzində içəri girib-çıxmasına və siqnalizasiyanın işə düşməsinə baxmayaraq, təhlükəsizlik və yerli polis əməkdaşlarının oğruları tutmaq üçün vaxtında gəlmədikləri bildirilir.
Qeyd edək ki, Bastoni "Kayrat"la oyunu ehtiyat oyunçular skamyasında keçirib. Çempionlar Liqası çərçivəsindəki matç 2-1 hesabı ilə italyanların xeyrinə başa çatıb.
