İspan idmançı finişə çatmamış sevindi, medalı əldən verdi

İspaniyalı idman gəzintisi üzrə atlet Laura Qarsiya-Karo Romada keçirilən Avropa Çempionatını çox erkən sevinci səbəbindən uduzub. Yarışçı finişdə dördüncü olub.

Qarsiya-Karo yarış üçüncüsü kimi finişə az qalmış bürünc medalını qeyd etmək qərarına gəlib. Finiş xəttinə bir neçə metr qalmış o, qalibiyyət əlaməti olaraq İspaniya bayrağını boynuna bağlayıb. Lakin Ukrayna idmançısı Lyudmila Olyanovskaya yarışın sonuna iki-üç metr qalmış onun yanından ötüb keçib.

Qızıl medalı isə 1 saat 28,08 dəqiqə nəticə ilə italiyalı Antonella Palmisano qazanıb. Valentina Trapetti ikinci (1:28,37), Olyanovskaya üçüncü (1:28,48) olub.

Mənbə: CNN