İtaliya A Seriyasının 19-cu turu çərçivəsində "Yuventus" "Sassuolo"nun qonağı olub.
Oxu.Az xəbər verir ki, matç Turin təmsilçisinin mütləq üstünlüyü ilə keçib və 0:3 hesabı ilə başa çatıb.
Muharremoviçin avtoqolu (16), Miretti (62) və Devidin (63) dəqiq zərbələri sayəsində "Qoca sinyora" meydançadan qalib ayrılıb.
Hazırda "Yuve" aktivindəki xalları 36-ya çatdırıb və yarış cədvəlində 4-cü sırada qərarlaşıb. Onun rəqibi isə 23 xalla ilk onluğu qapayır.
