Portuqaliyalı mütəxəssis Joze Mourinyo "Fənərbağça" klubunda fiaskoya uğrayıb.
Oxu.Az xəbər verir ki, "Fənərbağça" cari mövsüm liqada ilk altı yerdə qərarlaşan heç bir komandaya qalib gələ bilməyib.
Belə ki, "Qalatasaray"a 1:3, "Beşiktaş"a isə 0:1 hesabı ilə məğlub olan Joze Mourinyonun komandası "Samsunspor" (2:2), "Göztəpə" (2:2) və "Eyüpspor"la (1:1) matçlarda isə heç-heçə edib.
Qeyd edək ki, hazırda aktivində 36 xalı olan və ikinci pillədə qərarlaşan "Fənərbağça" lider "Qalatasaray"dan beş xal geri qalır.
