"Kəpəz" heyətini Keniya millisinin müdafiəçisi ilə gücləndirir

Misli Premyer Liqasında qalmaq uğrunda mübarizə aparan "Kəpəz" heyətini müdafiəçi ilə gücləndirmək qərarına gəlib.

Oxu.Az xəbər verir ki, qərblilərin yolunu gözlədiyi Keniya millisinin üzvü Conston Omorua artıq komandanın düşərgəsindədir.

Yeni mərkəz müdafiəçisi artıq komanda ilə məşqlərə başlasa da, tərəflər arasında müqavilə yaxın günlərdə imzalanacaq.

Omoruanın son klubu Səudiyyə Ərəbistanının təmsilçisi "Abha" olub.

Qeyd edək ki, o, 2019-cu ildən bəri Keniya millisinin heyətində 21 oyun keçirib.