İspaniyanın "Real Madrid" klubunun futbolçusu Kilian Mbappe La Liqanın VII turunda "Alaves"lə oyunda zədələnib.
Oxu.Az xəbər verir ki, fransalı hücumçunun bud sümüyündə problem aşkarlanıb.
Məhz bu səbəbdən, 25 yaşlı hücumçu üç həftə yaşıl meydanlardan kənar qalacaq.
Kilian Mbappe "Atletiko Madrid"lə derbi matçında da iştirak etməyəcək.
Qeyd edək ki, K.Mbappe "Alaves"lə oyunun 80-ci dəqiqəsində zədələnərək əvəzlənməsini istəyib. Görüş "Real"ın 3:2 hesablı qələbəsi ilə yekunlaşıb. Hazırda Madrid klubu 17 xalla turnir cədvəlində ikincidir, "Alaves" 10 xalla 8-ci yerdə qərarlaşıb.
Rəylər