Klublararası dünya çempionatı: "İnter" son anda geridönüş etdi

Klublararası dünya çempionatı çərçivəsində İtaliya "İnter"i ilə Yaponiyanın "Urava Red Daymonds" komandalarının qarşılaşdığı oyun başa çatıb.

Oxu.Az xəbər verir ki, E qrupunun 2-ci tur matçında "neradzurri" 2:1 hesabı ilə qalib gəlib.

Ryoma Vatanabi 11-ci dəqiqədə "Urava Red Daymonds"u hesabda irəli çıxarıb. 78-ci dəqiqədə Lautaro Martines hesabı bərabərləşdirib. İtaliya təmsilçisi son dəqiqələrdə geridönüşə nail olub. Qələbə qolunu 90+2-ci dəqiqədə Valentin Karboni vurub.

Xatırladaq ki, ilk turda "İnter" Meksika "Monterrey"i ilə bərabərə qalıb (1:1), "Urava Red Daymonds" isə Argentina "River Pleyt"inə uduzub (1:3).