Klublararası dünya çempionatınının yarımfinal oyununa biletlər 35 dəfə ucuzlaşdı

Klublararası dünya çempionatının "Çelsi" və "Fluminense" komandaları arasında keçiriləcək yarımfinal oyununa biletlərin qiyməti üç gün ərzində 35 dəfədən çox azalıb.

Oxu.Az bu barədə "The Athletic" nəşrinə istinadla xəbər verir.

Bildirilir ki, biletlərin qiyməti 473.9 dollardan 13.4 dollara düşüb, bu da stadionda satılan pivədən belə ucuzdur.

Qeyd olunur ki, "Çelsi" azarkeşləri hələ 1990-cı illərin əvvəllərində komandalarının oyunlarına belə qiymətə biletlər alırdılar.

İngiltərə və Braziliya klublarının oyunu iyulun 8-də 80 mindən çox azarkeş tutumuna malik "MetLife" stadionunda keçiriləcək.

"Real Madrid" və PSJ arasında iyulun 9-da eyni stadionda keçiriləcək digər yarımfinal matçının biletləri isə 200 dollardan başlayır (iyulun 2-də 978 dollar idi).