Kriştianu Ronaldunun ailəsi təhdid olunur - Mühafizəçilərin sayını artırdı

Kriştianu Ronaldu ailə üzvlərinin təhlükəsizliyindən narahat olduğu üçün yeni köçdükləri ünvanda ciddi tədbirlər görüb.

Oxu.Az "Marca" nəşrinə istinadən xəbər verir ki, sosial mediada müxtəlif təhdid mesajları alan Ronaldu və Corcina Rodriqes cütlüyünün artıq övladlarının üzünü bağlayaraq, paylaşım etdikləri bildirilib.

Ulduz futbolçunun yeni evləri üçün mühafizəçilərin sayını da artırdığı söylənilir. İddiaya görə, Corcina uşaqlarını artıq ticarət mərkəzlərinə aparmır və onları evdən bayıra nadir hallarda çıxarır.