PSJ-nin hücumçusu Xviça Kvaratsxeliya bu gün Londonda keçiriləcək "Qızıl top" mükafatının təqdimetmə mərasimində iştirak edə bilməyəcək.
Oxu.Az "L'Equipe" nəşrinə istinadən xəbər verir ki, Gürcüstan millisinin 25 yaşlı cinah oyunçusunun tədbirə qatılmamasına səbəb ciddi zədəsidir.
O, UEFA Çempionlar Liqasında "Barselona"ya qarşı keçirilən və PSJ-nin 4:2 hesablı qələbəsi ilə başa çatan matçda sağ dizinin ön çarpaz bağını qoparıb.
Futbolçunun əməliyyatının həftənin əvvəlində Dohada keçirilməsi planlaşdırılır. Bu səbəbdən Kvaratsxeliyanın mükafatlandırma mərasimində iştirakı mümkün olmayacaq. PSJ-nin digər hücumçusu Usman Dembele isə Londona yollanacaq.
Paris klubunun kapitanı Markinyos da mərasimdə iştirak etməyəcək. "Barselona" ilə oyunda bud nahiyəsindən zədələnən futbolçunun bu axşam PSJ ilə "Lion" arasında keçiriləcək Fransa Liqası matçını izləməsi gözlənilir.
