"Mançester Yunayted" sabiq qolkiperini qaytarmaq istəyir

İtaliyanın "Fiorentina" klubunun qapıçısı David de Xea sabiq komandası "Mançester Yunayted"ə qayıda bilər.

Oxu.Az "Sky Sports"a istinadən xəbər verir ki, "qırmızı şeytanlar" yay "transfer pəncərəsi"ndə onu almaq niyyətindədir.

Uzun müddət (2011-2023) Mançester təmsilçisində çıxış etmiş qolkiper 2024-cü ildə Florensiya klubuna transfer olunub.

Qeyd edək ki, David de Xeanın "bənövşəyilər"lə hazırkı müqaviləsinin müddəti cari mövsümün sonuna qədər nəzərdə tutulub. İtaliya A Seriyasının 2024/2025 mövsümündə 27 matça çıxan 34 yaşlı qapıçı 27 qol buraxıb.