Fransa yığmasının baş məşqçisi Didye Deşam milli komandanın hücumçusu və kapitanı Kilian Mbappenin yenidən topuğundan zədə aldığını bildirib.
Oxu.Az-ın məlumatına görə, onun açıqlamasını jurnalist Fabrisio Romano "X" sosial şəbəkə səhifəsində yazıb.
Hadisə DÇ-2026-nın seçmə mərhələsində Azərbaycanla matç zamanı (3:0) baş verib. "Real Madrid"in futbolçusu görüşün 83-cü dəqiqəsində əvəz olunub.
"İkinci dəfə eyni nahiyədən zədə alıb. Kilian istirahət etdikcə ağrı azalır. Matç zamanı rəqiblə təmas qaçılmazdır. Biz vəziyyəti araşdıracağıq. Mbappe narahatlıq hiss edir, bu da çox yaxşı deyil", - Deşam danışıb.
Qeyd edək ki, matç Fransa yığmasının 3:0 hesablı qələbəsi ilə başa çatıb.
Bu oyundan öncə Mbappenin meydana çıxıb-çıxmayacağı sual altında idi. Çünki İspaniya La Liqasının səkkizinci turunun "Vilyarreal"la (3:1) oyununda topuğundan zədələnmişdi.
